A A A A A
Esegiël 27
1
Die Here het vir my gesê:
2
“Mensekind, sing ’n begrafnislied oor Tirus
3
wat langs die see lê en met baie lande handel dryf. So sê die oppermagtige Here: “Tirus, jy het gedink jy is baie mooi.
Afrikaanse Bybel NLV 2011

1
Ek het gehoor die Here sê vir my:
2
“En jy, mens, jy moet 'n klaaglied sing oor die stad Tirus.
3
Tirus is by die see en daardie mense koop en verkoop goed aan die volke van baie lande by die see. Jy moet vir Tirus sê: “Die Here, Hy wat Here is, sê: Tirus, jy het altyd gesê jy is 'n mooi stad, so mooi soos die mooiste stad.
Afrikaanse Bybel ABA 2007

1
Toe het die Here vir my gesê:
2
“Mens, jy moet die volgende lied sing asof jy die begrafnis van Tirus bywoon.
3
Tirus is die stad wat aan die kus lê. Al die volke wat iets wil verkoop, moet hulle handelsware deur Tirus neem. Jy het ook jou eie ware aan die mense van hierdie eiland gaan verkoop. Jy moet nou vir Tirus sê die Here, Esegiël se God, dink só oor hom: Jy het gedink jy is baie goed en baie ryk, Tirus.
Afrikaanse Bybel DB 2006

1
Die woord van die Here het tot my gekom:
2
“Mens, jy moet 'n treurlied oor Tirus sing.
3
Tirus lê aan die kus en dryf handel met die ander volke, met baie eilande. Jy moet vir Tirus sê: So sê die Here my God: “Tirus, jy dink jou skoonheid is volmaak.
Afrikaanse Bybel 1983

1
Verder het die woord van die HERE tot my gekom en gesê:
2
Maar jy, mensekind, hef 'n klaaglied oor Tirus aan,
3
en sê aan Tirus, wat woon by die ingange van die see, wat handel drywe met die volke na baie kuslande toe: So spreek die Here HERE: o Tirus, jy sê: Ek is volmaak in skoonheid.
Afrikaanse Bybel 1933/1953