A A A A A

Jeremia 50

2
Die Here sê: “Vertel vir die nasies, maak dit oral bekend. Hys ’n vlag sodat almal dit kan sien. Moet niks wegsteek nie! Sê: Babel is ingeneem! Bel is verneder, Marduk is verslae. Hulle beelde kom in die skande, hulle afgode is verwoes.
Afrikaanse Bybel NLV 2011

2
“Julle moet vir al die volke vertel, julle moet 'n vlag in die lug ophou, julle moet praat, julle moenie stilbly nie, julle moet sê: Vyande het die land Babel oorwin. Bel kan nie help nie, Marduk is bang, die afgode kan nie help nie, hulle is bang,
Afrikaanse Bybel ABA 2007

2
Die Here sê: “Vertel vir die hele wêreld, sê dit oral. Skryf dit op ’n banier sodat almal dit kan sien. Moet niks wegsteek nie! Sê en skryf: Babel is ingeneem! Hulle afgode, Bel en Marduk, is verneder en verslae oor die vernietiging. Al Babel se afgode het in die skande gekom, want hulle is eintlik niks werd nie. Die afgryslike afgodsbeelde is ook verwoes.
Afrikaanse Bybel DB 2006

2
Vertel vir al die nasies, kondig dit aan! Hou 'n vaandel op, kondig dit aan! Moet dit nie stil hou nie, sê: Babel is ingeneem, Bel is verslaan, Marduk staan verskrik, Babel se beelde staan verslae, sy afgode staan verskrik.
Afrikaanse Bybel 1983

2
Verkondig onder die nasies en laat hoor, en steek 'n banier op, laat hoor; verberg dit nie; sê: Babel is ingeneem, Bel staan beskaamd, Merodag is verskrik; sy afgode staan beskaamd, sy drekgode is verskrik.
Afrikaanse Bybel 1933/1953