A A A A A
Jeremia 30
14
Al julle bondgenote het julle in die steek gelaat. Hulle is nie langer besorg oor julle nie. Want Ek het julle gewond asof Ek julle vyand is. Julle oortredings was baie, julle sondes oorvloedig.
Afrikaanse Bybel NLV 2011

14
Almal wat lief was vir julle, het vir julle vergeet, hulle soek julle nie. Want Ek het julle geslaan soos 'n vyand, Ek het julle wreed gestraf omdat julle so baie verkeerde dinge gedoen het, omdat julle sondes so baie is.
Afrikaanse Bybel ABA 2007

14
Al die mense met wie julle ooreenkomste aangegaan het om julle te help, het julle in die steek gelaat. Hulle gee nie om wat van julle word nie. Ek het julle aangeval soos ’n mens met ’n vyand sou maak. Ek het julle sonder enige genade gestraf. Julle het baie verkeerde dinge gedoen. Julle is aan soveel goed skuldig, dit is te veel om op te noem.
Afrikaanse Bybel DB 2006

14
Almal wat jou liefgehad het, het jou vergeet, hulle gee nie vir jou om nie. Ek het jou geslaan soos 'n vyand dit sou doen: Ek het jou wreed gestraf, want jou ongeregtigheid is groot, jou sondes baie.
Afrikaanse Bybel 1983

14
Al jou minnaars het jou vergeet, hulle vra nie na jou nie; want Ek het jou geslaan soos 'n vyand slaan, met 'n wrede tugtiging, omdat jou ongeregtigheid groot is, geweldig jou sondes.
Afrikaanse Bybel 1933/1953