A A A A A
Jeremia 25
33
In dié tyd sal die mense wat deur die Here verslaan is, van een kant van die aarde na die ander kant dood lê. Niemand sal oor hulle huil nie. Niemand sal ook die lyke bymekaarmaak en begrawe nie. Hulle sal soos mis oor die grond versprei lê.
Afrikaanse Bybel NLV 2011

33
Die Here sal daardie dag baie mense laat sterf. Hulle liggame sal oral in die hele wêreld lê. Niemand sal oor hulle rou nie, en niemand sal hulle bymekaarmaak en hulle begrawe nie. Hulle sal soos hope mis op die grond lê.
Afrikaanse Bybel ABA 2007

33
In dié tyd sal die mense wat deur die Here afgemaai is, oral oor die aarde dood lê. Niemand sal oor hierdie mense huil nie. Niemand sal die lyke bymekaarmaak en begrawe nie. Hulle sal soos mis oor die grond versprei lê.
Afrikaanse Bybel DB 2006

33
Daardie dag sal dié wat deur die Here verslaan is, van die een uithoek van die aarde af tot in die ander uithoek lê. Niemand sal oor hulle treur nie, hulle sal nie bymekaargemaak en begrawe word nie. Hulle sal soos mis op die grond bly lê.
Afrikaanse Bybel 1983

33
En die wat deur die HERE verslaan is, sal die dag lê van die een einde van die aarde tot die ander einde van die aarde; hulle sal nie beklaag of versamel of begrawe word nie; hulle sal mis op die aarde wees.
Afrikaanse Bybel 1933/1953