A A A A A
Jesaja 45
14
So sê die Here: “Die produkte van Egipte, en die handelsware van Kus, ook die lang mense van Seba sal na jou toe kom. Hulle sal agter jou loop en jou gevangenes wees. Hulle sal voor jou buig en teenoor jou bely en sê: ‘God is verseker met jou! Daar is geen ander God nie. Hy is die enigste God!’”
Afrikaanse Bybel NLV 2011

14
Die Here sê vir die Israeliete: “Ek gee vir julle al die koring van die land Egipte en al die geld van die handelaars van die land Kus. Die groot manne van die land Seba sal kom. Julle sal hulle hande vasbind, en hulle sal voor julle buig en sê: ‘Regtig, God is by julle, en daar is nie 'n ander God nie, nie een nie.’ ”
Afrikaanse Bybel ABA 2007

14
Die Here sê: Jy sal alles wat Egipte het, in die hande kry. Die artikels waarmee Kus handel dryf, sal na jou toe kom. Die lang mense van Seba sal jou slawe word. Jy sal hulle met kettings boei en hulle wegvoer om vir jou te werk. Hulle sal voor jou buig en hulle sal erken: “Werklik, God is by julle. Daar is nie ’n ander God nie.”
Afrikaanse Bybel DB 2006

14
So sê die Here: Die opbrings van Egipte en die winste van Kus sal na jou toe oorgaan en sal joune wees, ook die mense van Seba, die groot mense. Hulle sal agter jou loop en jou volg in kettings, hulle sal diep voor jou buig en teenoor jou bely: “Waarlik, God is by jou, en daar is geen ander nie, daar is nie nog 'n God nie.”
Afrikaanse Bybel 1983

14
So sê die HERE: Die opbrings van Egipte en die handelswins van Kus en die Sabeërs, manne van hoë gestalte, sal na jou toe oorkom en joue wees; hulle sal agter jou loop; in kettings sal hulle oortrek en hulle voor jou buig; hulle sal jou smeek en sê: Waarlik, God is in jou; en anders is daar geen, geen God meer nie!
Afrikaanse Bybel 1933/1953