A A A A A
Lied van Salomo 4
1
“Jy is mooi, my beminde, so pragtig! Jou oë agter jou sluier is soos die oë van ’n duif. Jou hare golf weg soos bokke wat afstroom teen die Gileadberge.
Afrikaanse Bybel NLV 2011

1
Hy sê: “My liefste, jy moet luister, jy is mooi, luister, jy is mooi, jou oë is soos duiwe agter jou sluier, jou hare is soos 'n trop bokke wat afkom teen Gilead-berg.
Afrikaanse Bybel ABA 2007

1
Hoe pragtig is jy nie, my liefste. Hoe glinster jou oë nie van liefde agter jou sluier nie. Jou golwende hare laat my dink aan die dartelende bokkies wat teen Gilead se heuwels afhuppel.
Afrikaanse Bybel DB 2006

1
“Jy is mooi, my liefling, jy is mooi, jou oë is duiwe agter jou sluier. Jou hare is soos 'n trop bokke wat teen die Gileadberge afkom.
Afrikaanse Bybel 1983

1
Hoe mooi is u tog, my vriendin, hoe mooi is u tog, u oë is soos duiwe deur u sluier heen; u hare is soos 'n kudde bokke wat van die gebergte van G¡lead afgolf.
Afrikaanse Bybel 1933/1953