A A A A A
Spreuke 22
1
Soek eerder na ’n goeie naam as na groot rykdom. Hoë aansien is beter as silwer of goud.
2
Vir mense, ryk en arm, is dit dieselfde: die Here het hulle almal gemaak.
3
Iemand wat verstandig is, sien wanneer die onheil kom en kruip weg. Die onervare mens loop oopoë daarin vas en boet daarvoor.
Afrikaanse Bybel NLV 2011

1
Dit is beter om te weet dat mense jou sal onthou, beter as om ryk te wees. Dit is beter om vriendelik te wees as om silwer en goud te hê.
2
Ryk en arm mense is vir die Here dieselfde, Hy het hulle almal gemaak.
3
'n Verstandige mens sien wanneer daar probleme kom, en hy vlug. Mense wat baie min weet, vlug nie, en hulle kry swaar.
Afrikaanse Bybel ABA 2007

1
’n Goeie naam is beter as geld. Ander se liefde is kosbaarder as groot rykdom.
2
Ryk en arm kan ook saamwoon. Die Here het hulle immers albei geskep.
3
’n Slim mens weet wanneer gevaar dreig. Hy weet hoe om dit te vermy. ’n Dom mens ken nie die lewe nie. Hy sukkel maar net aan.
Afrikaanse Bybel DB 2006

1
'n Goeie naam is meer werd as groot rykdom, die goeie gesindheid van ander meer as silwer en goud.
2
Voor die Here is ryk en arm gelyk; Hy het hulle almal gemaak.
3
'n Verstandige mens sien onheil kom en vermy dit; onervare mense loop oop oë daarin en boet daarvoor.
Afrikaanse Bybel 1983

1
'n Naam is verkiesliker as groot rykdom, guns beter as silwer en as goud.
2
Rykes en armes ontmoet mekaar, die HERE het hulle almal gemaak.
3
'n Skrander mens sien die onheil en verberg hom, maar die eenvoudiges gaan verder en word gestraf.
Afrikaanse Bybel 1933/1953