A A A A A
Spreuke 2
1
My seun, luister mooi na wat ek vir jou sê. Bewaar wat ek vir jou leer.
2
Spits jou ore vir die wysheid. Span jou in om dit te verstaan.
3
Roep na insig. Roep hardop vir begrip.
Afrikaanse Bybel NLV 2011

1
My seun, hoe sal jy vir God leer ken? As jy luister na my en onthou wat ek vir jou sê,
2
as jy goed luister na wysheid en regtig probeer verstaan,
3
ja, as jy sê jy wil verstaan, as jy vra hoe jy verstandig kan word,
Afrikaanse Bybel ABA 2007

1
Jong vriend, indien jy na my wyse woorde oor die alledaagse lewe luister en my voorskrifte soos ’n kosbare skat binne-in jou bewaar,
2
indien jy jou ore vir hierdie lewenswaarhede spits en goed oor alles nadink,
3
indien jy na insig in die alledaagse lewe smag en meer kennis begeer oor hoe om te leef,
Afrikaanse Bybel DB 2006

1
My seun, neem aan wat ek jou sê, maak wat ek jou voorskryf jou eie,
2
hou jou ore oop vir die wysheid, span jou in om te verstaan.
3
Roep insig by, vra na gesonde begrip.
Afrikaanse Bybel 1983

1
My seun, as jy my woorde aanneem en my gebooie by jou bewaar,
2
sodat jy jou oor laat luister na wysheid, jou hart neig tot verstand;
3
ja, as jy na die insig roep, na die verstand jou stem verhef,
Afrikaanse Bybel 1933/1953