A A A A A
Job 28
1
“Mense weet hoe om silwer te myn en goud te suiwer.
2
Hulle weet hoe om yster uit die grond te haal en koper te smelt uit klip.
3
Hulle weet hoe om lig te maak in die donker en verken die verste, donkerste dele van die aarde op soek na erts.
Afrikaanse Bybel NLV 2011

1
Job het gesê: “Dit is waar: Daar is 'n plek waar mense silwer kan kry, en daar is 'n plek waar hulle goud kan uitgrawe.
2
Hulle haal yster uit die grond en hulle smelt koper uit klip.
3
Hulle maak lig waar dit donker is, hulle soek klippe oral waar hulle kan, hulle soek tot in die donkerste diep plekke.
Afrikaanse Bybel ABA 2007

1
“Mense weet waar om vir silwer te myn en hoe om goud suiwer te kry.
2
Hulle weet hoe om yster uit die grond te haal. Hulle weet ook dat koper uit erts gesmelt kan word.
3
Dit is baie donker onder die grond, maar mense weet hoe om lig daar te bring en die donker weg te jaag. Die lig maak dit moontlik om die verste donker dele van die aarde deur te soek om erts in die hande te kry.
Afrikaanse Bybel DB 2006

1
“Daar is 'n plek waar silwer uitgehaal word, 'n plek waar goud gesmelt word.
2
Yster word uit die grond gehaal en koper word uit erts gesmelt.
3
Die mens maak 'n einde aan die donker, hy soek erts in die diepste plekke, in die donkerste hoeke.
Afrikaanse Bybel 1983

1
Want vir die silwer is daar 'n plek waar dit uitkom, en 'n plek vir die goud wat hulle uitwas.
2
Yster word uit die grond gehaal, en koper word uit klip gegiet.
3
'n Einde maak die mens aan die duisternis, en tot die uiterste grens deursoek hy die klip van donkerheid en doodskaduwee.
Afrikaanse Bybel 1933/1953